मधेस आन्दोलन आन्तरिक मामिला हो: डा भट्टराई

For image source click HERE

मंसिर २६, २०७२- पूर्वप्रधानमन्त्री एवम् नयाँ शक्ति निर्माणको नेतृत्व गरिरहेका डा बाबुराम भट्टराईले आदिवासी/जनजाती, थारु/मधेसी र खसआर्य समुदायको ‘कलष्टर’लाई समेटेर अघि बढ्न सकेमा सीमाकङ्नको समस्या समाधान हुने बताएका छन् ।

यहाँ आज आयोजित पत्रकार सम्मेलनमा उनले अहिलेको सीमाङ्कन जग्गाको कित्ताकाट गरेको र काँक्रा चिरेजस्तो भएको टिप्पणी गर्दै ती समुदायलाई नसमेटिएसम्म विवाद साम्य हुन नसक्ने धारणा राखे । नेता भट्टराईले तराई–मधेसको समस्या समाधान गर्न सरकार र आन्दोलनरत पक्षबीच सार्थक वार्ता हुनुपर्नेमा जोड दिए ।

बाबुराम र प्रदीप ज्ञवालीको प्रश्नमा प्रचण्डले दिए जवाफ– यो नियोजित छ, शेरबहादुर अझै मौन

काठमाडौं –नयाँ शक्ति निर्माण अभियानका संयोजक र एमाले सचिव प्रदीप ज्ञवालीले भारतीय नेतासँग भएको कुराकानीका विषयमा प्रश्न उठाएपछि एकीकृत माअ‍ोवादी अध्यक्ष प्रचण्डले जवाफ दिएका छन् । रातोपाटीसँगको कुराकानीमा प्रचण्डले भट्टराई र ज्ञवालीले उठाएको प्रश्नको जवाफ दिएका हुन् ।
मंसिर १७ गते काठमाडौंमा भएको एक कार्यक्रममा भट्टराईले ‘भारतीय शासकवर्गलाई के आश्वासन दिइएको थियो ? संविधान जारी हुनुअघि दिल्ली जानेहरुले जवाफ दिनुपर्ने’ भन्दै प्रचण्ड र देउवामाथि हमला गरेका थिए । एमाले नेता ज्ञवालीले एक अन्तर्वार्ता मार्फत यस्तो प्रश्न उठाएका थिए । जवाफमा प्रचण्डले भनेका छन्, ‘अहिले प्रचण्डले के आश्वसन दिएका थिए भनेर जसरी हल्ला गरिएको छ । त्यो नियोजित छ । यो कसै न कसैको योजनामा चलेको हल्ला हो । भारत भ्रमणका बेला नेपालको पक्षमा राम्रो इमेज बनाएर आएको थिएँ । त्यो मेट्टाउने कोषिश हुँदैछ । ’

आफ्नो भारतभ्रमणवारे प्रचण्डको जवाफ यस्तो छ

मेरो भारत भ्रमणका बेला संविधानका विषयमा र राष्ट्रियताको विषयमा गरी दुई वटा विषयमा कुराकानी भएको थियो । भारतमा जे–जा सँग भेट भएको थियो, उनीहरु सवैले सीमानङ्क गरेर जाँदा नै राम्रो हुन्छ, यसरी आएको संविधान सवैलाई मान्य हुन्छ भन्ने कुरा उठाएका थिए । विना सीमाङ्कनको संविधानले मधेशको माग सम्बोधन गर्देन कि भन्ने चासो र चिन्ता भारतीय नेता सवैमा देखिएको थियो ।

मधेसी मोर्चालाई उचाल्दै बाबुरामले भने, ‘मधेस आन्दोलन रोक्न हुँदैन’

बिहिबार तराई , थारुहट र जनजाती आन्दोलनको ऐक्वेबद्धताको लागि नागरिक ऐक्वबद्धता सभामा बोल्दै भट्टराईले सीमांकनको समस्या समाधान नभएसम्म आन्दोलन रोकिन नहुनेमा जोड दिँदै आन्दोलनमा आफ्नो समर्थन रहेको बताए । तराई मधेसमा आन्दोलनरत मधेसी मोर्चाका नेताहरु हृदयश त्रिपाठी र लक्ष्मणलाल कर्णको समेत सहभागिता रहेको उक्त कार्यक्रममा मधेसी मोर्चालाई उचाल्दै उनले भने, ‘सीमांकन सच्याउनको लागि आन्दोलन जारी राख्नुपर्छ यसमा मेरो पूर्ण समर्थन रहन्छ ।’ मधेसीको माग पूरा गर्नको लागि आफू धर्नामा बस्न समेत तयार रहेको उनले बताए ।
उनले संविधान जन्मिएपनि मरेतूल्य रहेको तर्क गर्दै भने, ‘मरेतुल्य संविधानलाई बचाउन अहिले भेन्टिलेटरमा राखिएको छ, जन्मिसकेको बच्चालाई मर्न दिन हुँदैन, बरु भेन्टिलेटरमा राखेर उपचार खोज्नुपर्छ ।’ तर, आफूले उपचारको लागि पहल गर्दै गर्दा बच्चा मार्न खोजिएको भनेर आरोप लगाइएको दाबी गर्दै तराई मधेसको आन्दोलन सम्बोधन गरेर समाधान निकाल्न ढिला गर्न नहुनेमा जोड दिए ।

यसरी गर्दै छन् बाबुरामले नयाँ शक्तिको भेला

काठमाडौं– डा. बावुराम भट्टराइले आईतबार (मंसिर ६ गते) राजधानीको चाबहिलमा नयाँ शक्तिका अभियन्ताहरुको भेला गर्ने भएका छन् । भेलाको आवश्यक तयारी पूरा भएको बताइएको छ । कहाँ हुँदैछ भेला ? आईतबार विहान ११ बजे शुरु हुने नयाँ शक्तिको भेला राजधानीको चावहिलस्थित एस.आर ब्यांक्वेटमा हुनेछ । भेला सोमबारसम्म चल्ने बताइएको छ । सहभागीहरुलाई पौने एघार भित्र ब्यांक्वेटटमा पुग्न आयोजकहरुले निर्देशन दिएका छन् । कति सहभागी हुँदैछन् ? भेलामा करिब १ हजार नयाँ शक्तिका अभियन्ताहरु सहभागी हुनेछन् ।

भारतबाट पैसा लिएर नयाँ शक्ति खोलेको होइन : बाबुराम

‘६ वटा उपप्रधानमन्त्री भएको विचित्रको सरकार’

कार्तिक २४, २०७२- पूर्वप्रधानमन्त्री बाबुराम भट्टराईले अहिलेको सरकारमा ६/६ वटा उप्रपधानमन्त्रीका टाउका भएको विचित्रको गठनबन्धन रहेको बताएका छन् ।

बाबुरामको नजरमा यस्ता छन् नेपाली राजनीतिका आन्तरिक र बाह्य चुनौतिहरु

एमाओवादीबाट राजीनामा दिएसँगै नयाँ शक्तिका लागि लबिङ गर्दै आएका पूर्व प्रधानमन्त्री बाबुराम भट्टराईले  आइतबार राजधानीमा आयोजित ‘समकालीन नेपाली राजनीतिका आन्तरिक र बाह्य चुनौतिहरु’ विषयक अन्तरक्रियामा  छलफलका लागि प्रस्तुत गरेको   बुँदाहरु यस्तो छ ।

१.    भनिन्छ – रोम जलिरहेको थियो, राजा निरो दरबारको बार्दलीबाट बाँसुरी बजाइरहेका थिए । त्यो दास युगका क्रुर र संवेदनाहीन शासकहरुको कुरा हो । आज हामी २१औं शताब्दीको खुला लोकतन्त्र र अति–विकसित सूचना–प्रविधिको युगमा छौं । हामी आफ्नो देशभित्रका कुनाकाप्चाका घटना मात्रै होइन छरछिमेक र विश्वभरका घटनाहरु क्षणभरमै डिजिटल सञ्चारमाध्यमहरुबाट थाहा पाउँछौं ।