मंसिरमा दुई चलचित्रको भिडन्त (ट्रेलर सहित)

साप्ताहिक संवाददाता

कार्तिक २९, २०७२- 
आगामी मंसिर ११ गते ‘कबड्डी कबड्डी’ र ‘जाउँ हिँड पोखरा’ बीच ठूलै भिडन्त हुने देखिएको छ । 
निर्देशक शोभित बस्नेतले अचानक ‘जाउँ हिँड पोखरा’ मंसिर ११ गते फिल्म रिलिज गर्ने घोषणा गरेपछि यो भिडन्त निश्चित भएको हो ।
‘कबड्डी कबड्डी’ निकै प्रतिक्षित छ भन्ने जिज्ञासामा शोभितले यसबाट आफूलाई कुनै फरक नपर्ने दाबी गरे । उनले कबड्डी कबड्डी’ र ‘जाउँ हिँड पोखरा’ हेर्न दर्शक नै फरक हुने कुरा बताएका छन् । बुझिएअनुसार मोफसलमा ‘कबड्डी कबड्डी’ले भन्दा जाऊँ हिँड पोखराले बढी हल पाउनेछ ।

कबड्डी कबड्डीको ट्रेलर 

जाउँ हिँड पोखराको ट्रेलर 

 From Saptahik

वडा नम्बर ६ लाई पिजी

हास्य प्रधान चलचित्र ‘वडा नम्बर ६’ लाई जाँचपास समिति (सेन्सर बोर्ड) ले प्यारेन्ट्स गाईडेन्स (पिजी) सर्टिफिकेट दिएको छ । 
असोज १ गते शुक्रवारदेखि प्रदर्शन हुने यो चलचित्र हेर्न सिनेमा हल पुग्ने १६ वर्षभन्दा कम उमेरका दर्शकले अब अभिभावकको साथमा मात्र यो चलचित्र हेर्न पाउनेछन् । सेन्सर बोर्डले यो चलचित्रलाई सर्टिफिकेट प्रदान गरेको हो । 
दीपकराज गिरी, दिपाश्री निरौला तथा निर्मल शर्माद्वारा निर्मित यो चलचित्रको निर्देशन उज्वल घिमिरेले गरेका हुन् । चलचित्रमा दीपकराज गिरी, दयाहाङ राई, प्रियंका कार्की, जीतु नेपाल, केदार घिमिरे, सिताराम कट्टेल, विल्सन विक्रम राई, सन्दिप क्षेत्री आदि कलाकारले अभिनय गरेका छन् ।

In Saptahik