आन्दोलनकारी मारिएपछि रौतहटमा कर्फ्यु

रौतहट– प्रहरीको गोली प्रहारबाट एक प्रदर्शनकारीको ज्यान गएपछि प्रशासनले अनिश्चितकालको लागि कर्फयू आदेश जारी गरेको छ ।
घटनालगत्रै बसेको जिल्ला सुरक्षा समितिको बैठकले दिउँसो ४ बजेदेखि लागू हुने गरि अनिश्चितकालको लागि कर्फयू जारी गरेको सहकर्मी सञ्जय मिश्राले जनाएका छन् ।

अहिले कफ्र्यु  सुरु हुनुभन्दा अगाडि नै घर फर्किन प्रहरीले माइकिङ गरेर सर्वसाधारणलाई आग्रह गरिरहेको छ। स्थितिलाई नियन्त्रणमा लिन प्रहरीले आज  तीन दर्जन सेल अश्रुग्यास र १२ राउन्ड गोली चलाएको थियो । यस क्रममा रौतहट तेजापाकड– १ का १८ वर्षीय टभरेज आलमको मृत्यु भएको हो।  गौरको वीपी चोकमा आन्दोलनकारीले ढुंगा र पेट्रोल बम  प्रहार गरेपछि स्थिति नियन्त्रणमा लिन प्रहरीले गोली चलाएको थियो ।

Breaking news from ratopati.com

यसरी भयो राैतहटमा झडप (भिडियो)

गौर- मधेसी मोर्चाका कार्यकर्ता र सुरक्षाकर्मीबीच झडप हुँदा रौतहट सदरमुकाम गौर तनाबग्रस्त बनेको छ। सदरमुकामस्थित बीपी चोकमा जम्मा भएका आन्दोलनकारीले प्रहरीमाथि ढु‌ंगा फ्याँकेपछि प्रहरीले ८ सेल अश्रुग्यास प्रहार गरेको छ।

त्यसपछि अान्दोलनकारीले प्रहरीमाथि शिशा बोतल प्रहार गरेपछि प्रहरीले २ राउन्ड हवाइ फयार गरेको छ। प्रहरीले माइकिङ गर्दै आन्दोलनलाई शान्तिपूर्ण बनाउनसमेत आग्रह गरेको छ। प्रहरीले माइकिङमार्फत् ढुंगा र शिशाका बोतल प्रहार गरे गोली चलाउन बाध्य हुने चेतावनी दिइरहेको छ।

गाैर तनावग्रस्त, प्रहरीको गोली लागि दुई घाइते

गौर– कर्फ्यु अवज्ञा गर्दै दुई-तीन हजार प्रदर्शनकारीले प्रहरीमाथि ढ्ंगामुढा गरेपछि गौर तनावग्रस्त बनेको छ। स्थितिलाई नियन्त्रणमा लिन प्रहरीले दुई दर्जनभन्दा बढी राउन्ड गोली प्रहार गरेको छ। कविर चाेकमा प्रहरीले चलाएको गोली लागि गौर–६ लालबाबु पटेल र
अकोलवा–७ नहिरुद्धिन घाइते भएका छन्। ४५ वर्षे पटेलको कोखामा गोली लागेको छ। नहिरुद्धिनको चाकमा गुप्ताङ्गमा लागेको छ।

गौरमा तनाव, कर्फ्यू लगाइयो

भाद्र ७, २०७२- मधेशीमोर्चाका कार्यकर्ता र सुरक्षाकर्मीबिच रौतहटको गौरमा सोमबार अपरान्हबाट दोहोरो झडप भएको छ । झडपपछि स्थिति नियन्त्रण बाहिर गएकाले स्थानीय प्रशासनले साढे ४ बजेबाट सदरमुकाम गौरमा कर्फ्यू आदेश जारी गरेको छ । झडपमा आन्दोलनकारी र सुरक्षाकर्मी गरी एक दजर्न बढी घाईते छन् ।