तिहारमा पोखिएको क्रुर क्यान्सरको पीडा

अत्यन्तै ठूलो पीडा दिएर गए दुई वर्षयताका दशैँ र तिहारले। जमरा पहेँलपुर भएर उमि्रएन, दहीमा टीका राम्ररी भिजेन। मखमली, गोदाबरी, सयपत्री बोटमै ओइलाए, माला बनेन। तिहार त वर्षेनी आउँछन्, आउलान्। तर गलामा प्रेमपूर्वक मखमलीको माला लगाइदिने र दैलोमा ओखर फोडेर जिम भगाइदिने ममताकी खानी मेरी दिदीले ४० वर्षको अल्पायुमै संसार छोडेर गएपछि दुईवर्ष यताका चारवटा दशैँ तिहारमा मनभित्र बत्ती बलेन, अध्यारै भएर गयो। दिदीले छोडेर जानुभएको पनि आज दुई वर्ष बितेछ, तर महिना दिनमात्र पुगेजस्तो पनि लाग्दैन।

रंगोली कसरी बनाउने

कार्तिक २५, २०७२- 
- रंगोली शुभकार्यको प्रतीक मानिन्छ । यसले घरको सजावटमा पनि भूमिका खेल्छ । 
- घरमा उपलब्ध स्थानका आधारमा रंगोलीको डिजाइन गर्न सकिन्छ । 
- रंगोलीका लागि विभिन्न किसिमको रंग, फूल, दियो आदि प्रयोग गरिन्छ । 
- रातो, पहेंलो, हरियो आदि छुट्टाछुट्टै रंगको चामलसँग मिश्रण गरी आफूले चाहेको डिजाइन तयार गर्न सकिन्छ । आटाको पीठोमा पनि रंग मिश्रण गर्न सकिन्छ । 
- सुरुमा चक वा पीठोले स्वस्तिक चिन्ह, गणेश, शंख आदिको आकृति वनाएर त्यसमाथि उपयुक्त रंग भर्दै जानुपर्छ । 
- मध्य भाग र चारैतर्फको किनारमा दियो राखेर रंगोलीलाई थप आकर्षक बनाउन सकिन्छ ।

From Saptahik

तिहारमा उत्सव बत्ती नबाल्न प्राधिकरणको आग्रह

काठमाडौं—नेपाल विद्युत् प्राधिकरणले तिहारमा उत्सब बत्ती नबाल्न आग्रह गरेको छ। ६८ मेगावाट विद्युत् उत्पादन घटेको भन्दै प्राधिकरणले उच्च विद्युत् खपत गर्ने उपकरणहरु फ्रिज, आइरन, राइस कुकुर, एयरकन्डिसन जस्ता सामग्री कात्तिक ५ देखि ८ गतेसम्म साँझ ५ बजेदेखि राति १० बजेसम्म उपयोग नगर्न समेत भनेको छ। 'अन्यथा ती उपभोक्ताहरुको विद्युत् सेवा विच्छेद हुनसक्ने', चेतावनी प्राधिकरणले दिएको छ।

तिहारले गर्दा केन्द्रीय प्रणालीमै ट्रिप भई विद्युत् आपूर्तिमा अवरोध उत्पन्न हुनसक्ने भन्दै प्राधिकरणले सूचना निकालेको हो।