DNN@Ground Zero : मधेसको लाइफस्टाइल (फोटोफिचर)

काठमाडौं – मधेस आन्दोलनको सय दिनपछि पूर्वीमधेसमा तनाव एकाएक बढ्दै गइरहेको छ । दिनभर सुनसान हुने मधेसको सडक हरेक रात रणभूमिमा परिणत हुन्छ । जब काठमाडौंबाट महोत्तरीको बर्दिबासमा साँझ पूर्व जाने र काठमाडौंका लागि हिँडेका बस इटहरीमा ताँती लाग्छ । अनि, आन्दोलनकारीको भीड बिस्तारै बढ्न थाल्छ । गन्तव्यमा जाने प्रतिपक्षमा रहेका बसलाई मध्यरातमा प्रहरी सहयोगमा स्कर्टिङमा सुरु हुन्छ ।
तराई बन्दका बीच चलेका सवारी–साधन रोक्न आन्दोलनकारी र प्रहरीबीच हरेक दिन झडप हुन्छ । यसै झडपका क्रममा गत आइतबार र सोमबार चारजना आन्दोलनकारीको मृत्यु भयो ।
मधेस आन्दोलनको रिर्पोटिङका क्रममा डिएनएन फोटो पत्रकार अशोक दुलालले सिराहा र महोत्तरीबाट पठाएका दृश्य :

As published in ratopati.com

एनआरएनले अाजदेखि सरकारलाई अाैषधि उपलब्ध गराउने

पहिलो लटमा ३८ लाखको औषधि

Image Source: www.designerspics.com

मंसिर ८, २०७२- भारतको अघोषित नाकाबन्दीले अत्याबश्यक औषधि अभाब भएपछि विश्वभर रहेका प्रबासीहरु माझ सहयोगको अपिल गरेको गैर आवासीय नेपाली संघ (एनआरएनए) ले आजबाट औषधि वितरण सुरु गरेको छ ।

आज स्वास्थ्य सेवा विभागलाई ३८ लाख रुपैयाँ बराबरको औषधि हस्तान्तरण गरिने एनआरएनएका अध्यक्ष शेष घलेले बताए । ‘जम्मा भएजति औषधि विरतण गर्दै जाने हो,’ उनले भने, ‘यो प्रक्रिया निरन्तर चल्ने छ ।’ हालसम्म औषधि खरिदका लागि २ करोड रुपैयाँभन्दा बढी रकम जम्मा भइसकेको एनआरएनएले जनाएको छ । यो रकम १० करोडसम्म पुर्‍याउने एनआरएनएको योजना हो । संकलित रकमबाट औषधि खरिदको प्रक्रिया जारी राखिएको जनाइएको छ । संकलित औषधि आयात गरेर सरकारी निकायलाई हस्तान्तरण गरिने छ ।