काठमाडौं- पछिल्लो पटक राष्ट्रियस्तरको वाणिज्य बैंक बनेको प्रभु बैंकले अर्को वाणिज्य बैंक ग्रान्ड बैंक नेपाल खरिद (एक्विजिसन) गर्ने भएको छ। यसका लागि दुवै बैंकबीच बिहीबार प्रारम्भिक सम्झौतापत्रमा हस्ताक्षर भएको छ। एक्विजिसन गर्दा ग्रान्डको प्रतिसेयर मूल्य ६७ रुपैयाँ कायम गर्ने सहमति भएको छ।
'यसखालको खरिद 'क' वर्गको वाणिज्य बैंक तहमा पहिलोपटक भएको हो,' प्रभु बैंकका कार्यबाहक प्रमुख कार्यकारी अधिकृत (सिइओ) अशोक शेरचनले बिहीबार नागरिकसँग भने, 'यसबाट वित्तीय क्षेत्रमा सकारात्मक सन्देश जाने विश्वास छ।'
