कार्तिक २६, २०७२- काठमाडौंले बोल्न थालेको छ । ‘काठमाडौं ‘विथ मधेस’जस्ता सामाजिक सञ्जाल अभियान र ‘व्युँझ सरकार’ भन्दै सडक प्रदर्शन हुनथालेको छ । यसले मधेसमा काठमाडौं खाल्डोको सकारात्मक हस्तक्षेपबाट जनता बीचको सम्बन्धको रिक्तता पुरिँदै गएको छ । यो काम अलि ढिलैगरी भयो, तर सुरु भयो यो महत्त्वपूर्ण छ । यो कुनै राजनीतिक संगठनबाट अखबारी बयानबाजीका लागि चालिएको कदम होइन । एउटा स्वस्फुर्त प्रयत्न, जो यो देशको उज्यालो भविष्य छ भनेर विश्वास गर्छन्, तिनीहरूबाट आयो र अहिलेको अँध्यारोलाई चिर्न दीयो बन्यो । अँध्यारोको अस्तित्व तबसम्म हुन्छ, जबसम्म त्यहाँ एउटा दीयोको उपस्थिति हुँदैन ।