आज बार्सिलोना र रियल मड्रिडको भिडन्त

मंसिर ५, २०७२- विश्व फुटबलका दुई ठूला तथा प्रतिस्पर्धी क्लब बार्सिलोना र रियल मड्रिडको भिडन्त आज राति हुँदैछ । रियल मड्रिडको मैदान मड्रिड यो खेल नेपाली समय अनुसार राति ११ बजे हुनेछ ।

यी दुई क्लबको आपसी भिडन्त (एल क्लासिको) २ सय ३० औं पटक हो । दुई क्लबका साथै यो भीडन्तलाई अहिलेको समयका दुई उत्कृष्ट फुटबलरहरु लियोनल मेसी र क्रिस्टियानो रोनाल्डो बीचको भीडन्त पनि मानिएको छ । मेसी चार पटक बेलन डि अर विजेता खेलाडी हुन् भने रोनाल्डोले यो पुरस्कार गत वर्ष पाएका थिए ।