संघीय लिम्बूवान पार्टी विभाजनको संघारमा

ताप्लेजुुङ–तराई केन्द्रित दलसँगको सहकार्य वा आफ्नै नेतृत्व भन्नेमा मतान्तर बढेर विभाजन नजिक पुुगेको संघीय लिम्बूवान पार्टीको आपसी द्वन्द्व मुुडभेडमा परिणत हुने खतरा बढेको छ।

Click here for Image Source

पूर्वी नेपालमा राजनीतिक प्रभाव राख्ने यो पाटीको एक पक्षले आइतबारबाट आह्वान गरेको अनिश्तिचतकालीन चक्काजाम सोही पार्टीको अर्को पक्षले प्रतिकार गर्ने घोषणा गरेपछि एउटै संगठनबीच मुडभेड र हिंसाको जोखिम देखिएको हो।

यो पाटीका नेताहरु खगेन्द्र माखिम, सञ्जुुहाङ, पालुंवा, बीर नेम्बाङ र कमल छाराहाङलगायतले अरुण पूर्वका ९ जिल्लाको एक प्रदेशको माग यथावत् रहेको भन्दै सरकारलाई दबाव दिन आइतबारबाट पूर्वी क्षेत्रमा अनिश्चितकालिन चक्काजाम हुने घोषणा गरेका छन्। लिम्बूवान आन्दोलन उच्च स्तरीय समिति नाम दिएर थालिएको आन्दोलनका कार्यक्रम चक्काजाममा मात्र सिमित नहुने भएको छ। नेता माखिमका अनुसार यो अभियान अन्र्तगत अरुण पूर्वका ९ जिल्लामा रहेका सरकारी कार्यालय र यहाँ सञ्चालित सवारी साधनमा लिम्बूवान राज्य लेखिने छ ।