पुस २, २०७२- अख्तियार दुरुपयोग अनुसन्धान आयोगले सशस्त्र प्रहरीका महानिरीक्षक कोषराज वन्तलाई पदबाट निलम्बनको सिफारिस गरेको छ । आयोग स्रोतका अनुसार ढुवानी सम्बन्धी अनियमिततामा मुछिएको वन्तमाथि छानविन भइरहेकाले उनको निलम्बनका लागि सरकरालाई सिफारिस गरिएको हो ।
वन्तमाथि आ. व ०६९/७० र ७०/७१ सशस्त्र प्रहरी बलको प्रयोजनका लागि विभिन्न सामान खरीद गर्दा ढुवानीको नक्कली बील बनाएको आरोप छ । अख्तियार स्रोतले वन्तको संलग्नतामा सदा ज्योती सप्लायर्सको अस्वभाविक रुपमा झुठा बील र पत्र तयार गरिएको भेटिएको जनाएको छ । वन्तसँगै सशस्त्र प्रहरीका डिएसपीद्वय सुमनजंग थापा र रामकृष्ण महर्जन र इन्सपेक्टर बीनबहादुर थापालाई पनि निलम्बनको अख्तियारले सिफारिस गरेको छ ।