युएई , मंसिर १९ - युएईमा व्यावसाय गर्ने नेपालीको संख्या बढ्न थालेको छ । पछिल्लो १५ दिनमा मात्रै नेपालीका पाँच वटा व्यावसाय सुरु भएका छन् । नेपाली व्यावसायी युएइमा सफल पनि भएका छन् । बुटवलकी अञ्जली भट्टराईले यूएईको अलऐनमा वल्ड गेटवे ट्राभल एन्ड टुरिजम एलएलसी व्यावसाय सञ्चालन गर्नु भएको छ । अलऐनको मुख्य व्यापारीक केन्द्रमा रहेको लक्की प्लाजामा उहाँको व्यावसाय सुरु भएको छ ।
विभिन्न सामाजिक संस्थामा आबद्ध नेपाली युवाको संयुक्त लगानीमा एसएमटेक टेक्नोलोजी गु्रप सञ्चालन गरेका छन् । युएईमा नयाँ व्यावसाय तर्फपनि नेपालीले लगानी गरेका छन् । दुबईमा पाँच जना नेपालीको लगानीमा सुचना तथा प्रविधिको व्यावसाय गर्ने पसल सञ्चालन गरिएको छ । सगरमाथा सेक्युरिटी डिभाईस इक्युपमेन्ट ट्रेडिङ एलएलसी (एसएमटेक टेक्नोलोजी) नामक कम्पनी पनि नेपालीले सञ्चालन गरेका छन् । यो व्यावसायबाट सिसिटिभी, स्मार्टकार्ड, मोबाईल एप्स, सफ्टवेयर निर्माण, एक्सेस डोर, नेटवर्कीङ, क्यु म्यानेजमेन्ट सिस्टम लगायतका सेवा प्रदान गरिने सञ्चालक त्रिलोचन कोइरालाले बताउनुभयो । बर दुवईको आईटी प्लाजामा सुरु गरिएको पसलको नेपाली समाज युएईका अध्यक्ष चन्द्र प्रसाद सापकोटा र एसएमटेकका स्थानीय स्पोन्सर मोहम्मब ओमारले उद्घाटन गर्नुभयो ।
