काठमाडौं – भारतीय गाडी आगजनी गर्दै भारतविरुद्ध संघर्षमा उत्रिएको नेत्र विक्रम चन्द ‘विप्लव’ माओवादीले भारतीय न्यूज च्यानल पनि बन्द गराएको छ । नेपाल केबल टेलिभिजन व्यवसायी महासंघलाई पत्र लेखेर च्यानल बन्द गराउन चेतावनी दिएपछि महासंघले शनिबार साँझदेखि काठमाडौंमा भारतीय न्युज च्यानल बन्द गराएको हो ।
महासंघका केन्द्रीय सदस्य मनोज गुरुङले विप्लव माओवादी र नागरिक समाजको अनुरोधमा भारतीय न्युज च्यानल बन्द गराइएको जानकारी दिए । ‘हामीलाई अहिले देशको परिस्थिति र राष्ट्रियताको विषयलाई ध्यानमा राख्दै विप्लव माओवादीले पत्र लेखेर च्यानल बन्द गर्न अनुरोध गरेको थियो । त्यस्तै नागरिक समाजबाट पनि त्यस्तै सुझाव आएको छ,’ उनले भने, ‘यसैका आधारमा हामीले शनिबार साँझदेखि काठमाडौंमा लगायत केही स्थानमा भारतीय न्युज च्यानलको प्रशारण रोकेका छौं । तर, अहिले सबै ठाउँमा बन्द भने भएको छैन ।’
महासंघका केन्द्रीय सदस्य मनोज गुरुङले विप्लव माओवादी र नागरिक समाजको अनुरोधमा भारतीय न्युज च्यानल बन्द गराइएको जानकारी दिए । ‘हामीलाई अहिले देशको परिस्थिति र राष्ट्रियताको विषयलाई ध्यानमा राख्दै विप्लव माओवादीले पत्र लेखेर च्यानल बन्द गर्न अनुरोध गरेको थियो । त्यस्तै नागरिक समाजबाट पनि त्यस्तै सुझाव आएको छ,’ उनले भने, ‘यसैका आधारमा हामीले शनिबार साँझदेखि काठमाडौंमा लगायत केही स्थानमा भारतीय न्युज च्यानलको प्रशारण रोकेका छौं । तर, अहिले सबै ठाउँमा बन्द भने भएको छैन ।’
यसअघि पनि गत असोज महिनामा महासंघले भारतीय च्यानलहरु बन्द गराएको थियो । त्यसबेला महासंघले विज्ञप्ति निकालेर प्रशारण बन्द नगरे भौतिक कारवाही गर्नेसम्मको चेतावनी आफूहरुलाई आएको जानकारी गराएको थियो । तर, सरकारले निर्देशन दिएपछि प्रशारण पुन खुला गरिएको थियो । गुरुङले भने, ‘हामीलाई प्रशारण गर्न कुनै आपत्ति होइन । तर, सरकारले सुरक्षा दिनुप¥यो ।’
विप्लव माओवादीले यसअघि विज्ञप्ति निकालेर भारतीय हस्तक्षेप र नाकाबन्दीको विरोधमा नेपालमा भारतीय सवारी साधन, च्यानल र सिनेमा बन्द गर्न आह्वान गरेको थियो । यसअघि विप्लव माओवादीले भारतीय नम्बर प्लेटका सवारीसाधनमा आगजनी गरिसकेको छ ।
भारतीय मिडिया भन्छ, ‘यो नेपाल सरकारकै काम हो’
भारतीय मिडियाले भने सरकारी निर्देशनमा नै नेपालमा भारतीय न्युज च्यानल बन्द भएको दाबी गरेका छन् । नेपाल–सम्बन्धमा चिसोपन आएको र भारतीय मिडियाले मधेसबारे सही सूचना सम्प्रेषण नगरेको भन्दै भारतीय न्युज च्यानल बन्द गरिएको उनीहरुको दाबी छ ।
तर, सञ्चारमन्त्रालयका प्रवक्ता रामचन्द्र ढकालले भने भारतीय न्युज च्यानलहरु बन्द गर्ने बारे कुनै निर्देशन नदिएको बताए । रातोपाटीसँग कुरा गर्दै उनले भने, ‘अहिले हामीले च्यानल बन्द गराउने बारे कुनै त्यस्तो निर्देशन दिएका छैनौं । बरु, यसअघि केबुल एसोसिएसन आफैले बन्द गर्दा मन्त्रालयले पत्र काटेरै भारतीय च्यानलहरु खुला गर्न निर्देशन दिएको थियो ।’
From ratopati.com
तर, सञ्चारमन्त्रालयका प्रवक्ता रामचन्द्र ढकालले भने भारतीय न्युज च्यानलहरु बन्द गर्ने बारे कुनै निर्देशन नदिएको बताए । रातोपाटीसँग कुरा गर्दै उनले भने, ‘अहिले हामीले च्यानल बन्द गराउने बारे कुनै त्यस्तो निर्देशन दिएका छैनौं । बरु, यसअघि केबुल एसोसिएसन आफैले बन्द गर्दा मन्त्रालयले पत्र काटेरै भारतीय च्यानलहरु खुला गर्न निर्देशन दिएको थियो ।’