प्रहरीको गोली लागि कुमार घैटेको मृत्यु

• मृत अवस्थामा अस्पताल ल्याइएको थियो : चिकित्सक

• भाद्र ३, २०७२- प्रहरीको गोली लागि गुण्डा नाइके कुमार घैंटेको मृत्यु भएको छ । प्रहरी र घैंटेको समूहबीच राजधानीको कपुरधारामा गोली हानाहान भएको थियो ।
  गोली लागेर घाइते भएका घैंटेलाई उपचारको लागि शिक्षण अस्पताल लगिएको थियो । शिक्षण अस्पतालका चिकित्सकले घैंटेलाई मृत घोषणा गरेका हुन् । प्रहरीको गोली लागि थप दुई जना घाइते भएका छन् । उनीहरु घैंटेको समूहका व्यक्ति भएको महानगरीय अपराध महाशाखा प्रमुख सर्वेन्द्र खनालले नियमित गस्तीमा रहेको प्रहरीमाथि घैंटे समूहले गोली चलाएपछि प्रहरीले पनि गोली चलाएको जानकारी दिए ।
• शिक्षण अस्पतालका आकस्मिक विभाग प्रमुख डा. प्रताप नारायणप्रसादले घैटेलाई मृत अवस्थामा ल्याइपुर्‍याइएको बताए ।
  उनको छाति र तिघ्रामा गोली लागेको थियो । कपाल पालेका घैटेले कालो रंगको टिशर्ट लगाएका थिए । घैटेको श्रीमती र छोरी छन् । कांग्रेस नेता जगदीशनरसिंह घैटेको स्थिति बुझ्न अस्पताल पुगेका थिए । उनको शवलाई पोष्टमार्टम यूनिटमा लगिएको छ ।
  २०६२ सालमा सर्वेन्द्र खनाल तत्कालीन केरकारका शाखाका डीएसपी हुँदा घैटेले खनालको बाघबजारमा गाडीमाथि तोडफोड गरेका थिए ।
  भूकम्पपछि कांग्रेस भ्रातृसंगठनमार्फत राहत वितरणमा सक्रिय थिए । राहत वितरणमा खटिने कांग्रेस कार्यकर्तालाई विदाई गर्न प्रधानमन्त्री निवास बालुवाटारमा आयोजित कार्यक्रममा घैटे पनि सहभागी थिए ।
  केही बर्ष अघि प्रहरीले उनलाई प्रहरीले गोली हानेर घाइते बनाई दरबारमार्गबाट पक्राउ गरेको थियो ।
  अघिल्लो बर्ष प्रहरीको गोलीमा गुण्डा नाइके दिनेश अधिकारी चरीको मृत्यु भएपछि घैटे भारत र सिंगापुरमा लुकेर बस्दै आएका थिए । भूकम्पपछि उनी नेपाल फर्किएका हुन् ।
  उनी कांग्रेस नेता जगदीशनरसिंह केसी निकट मानिन्छन् ।
• शिक्षण अस्पतालको इमर्जेन्सी अगाडि घैटेका शुभचिन्तकले नाराबाजी गरेका छन् । उनीहरुले गृहमन्त्रीविरुद्ध नारा लगाइरहेका छन् । घैटेलाई प्रहरीले नियोजितरुपमा मारेको उनीहरुको आरोप छ ।
• News Source: kantipur