‘नयाँ संविधानमा मधेसी समुदाय उपेक्षित भएको तथ्य यहाँका नेताहरूलाई बुझाउने प्रयास गर्नुभयो,’ दिल्लीस्थित मोर्चा निकट श्रोतले नागरिकन्युजसँग भन्यो ‘अान्दोलन गर्न पर्नुका बाध्यताबारे वहाँहरूले जानकारी गराउनु भयो।’
भारतीय सरकार र त्यहाँका प्रमुख दलहरूको मधेस अान्दोलनमा समान धारणा बनाएर अान्दोलनमा समर्थन गर्न र नेपाल सरकारमाथि दबाव थप्न मोर्चाको तर्फबाट अाग्रह गरिएको श्रोतको भनाइ छ। कांग्रेस अाइका नेता सिंहले मधेस अान्दोलनकामा भारत सरकारको तहबाट र अाफ्नो दलबाट साथ जुटाउने बचन दिएका बताइएको छ।
सिंहसँगको भेट अघि जनता दलका अध्यक्ष यादवसँग भेटेका मोर्चा नेताले अान्दोलनमा साथ चाहेको प्रष्टसँग राखेका थिए। मोर्चा नेताहरु उपेन्द्र यादव, महन्थ ठाकुर, राजेन्द्र महतो र महेन्द्र राय यादवले सिंह र यादवलाई संयुक्तरूपमा भेट गरेका थिए।
News from nagariknews.com