कार्तिक १४, २०७२- २ सय बढी यात्रु बोकेको रसियाली बिमान इजिप्टको सिनाईमा दुर्घटना भएको छ । इजिप्टका प्रधानमन्त्रीले दुर्घटनाको पुष्टि गरेका छन् । बिमानमा २ सय १७ यात्रु र ७ जना चालक दलका सदस्य रहेको बताइएको छ । एयरबस ए–३२१ रसियाली सहर सेन्ट पिटरवर्ग जानको लागि सार्म इल सेखबाट उड्ने वित्तिकै दुर्घटना भएको हो । इजिप्टका सञ्चारमाध्यमले जनाए अनुसार दुर्घटनास्थलमा बिमानका अवशेषहरु देखिएका छन् र घटनास्थलमा २० भन्दा बढी एम्बुलेन्सहरु उपसिस्थत छन् । विमानमा रहेका अधिकांश यात्रु रसियाली पर्यटक भएको बताइएको छ । यो बिमान रसियाली एयरलाईन्स कोगाल्माभियाले सञ्चालन गरेको हो । इजिप्टका प्रधानमन्त्री सरिफ इस्मैलको सचिवालयले विज्ञप्ती जारी गर्दै उक्त बिमान सिनाईमा दुर्घटना भएको जनाएको छ ।
More on: Kantipur