आज भएको उनी र प्रधानमन्त्री सुशिल कोइरालाबीचको टेलिफोन कुराकानीमा आधारित रहेर समाचार तयार पार्दै हिन्दूस्तान टाइम्सको अनलाइन संस्करणले लेखेको छ –‘नेपालको सुरक्षाका लागि छिमेकीका रुपमा भारतले जे पनि गर्नसक्छ ।’
उनले नेपालको राजनीति हिंसात्मक बन्दै गएको भन्दै चिन्ता व्यक्त गरेका छन् । उनले नेताहरुले सबै सकेसम्म खुला भएर वार्तामा बस्दै सबै क्षेत्रका नेपालीको समस्या समाधान गर्नुपर्ने बताएका छन् । कैलालीमा जारी हिंसात्मक प्रदर्शनका क्रममा ८ जनाले ज्यान गुमाएपछि मोदीले कोइरालासँग टेलिफोन सम्पर्क गरेका थिए । निधन हुनेहरुप्रति शोक व्यक्त गर्दै मोदीले भनेका छन्–‘नेपालको राजनीतिक नेतृत्वले वार्ताको माध्यमबाट सबै समस्याहरु समाधन गर्नुपर्छ । सकेसम्म सबै पार्टी र सर्वसाधारण समेतलाई समावेश गरेर खुला छलफल गर्नु आवश्यक छ ।’
भारतसँग नजिकको सिमाना जोड्ने कैलालीमा भएको प्रदर्शनपछि मोदी बहुआयामिक नेपाली समाजमा सबै पक्षलाई समेट्न जरुरी रहेको बताएका छन् । उनले शान्तिपूर्ण र एकेवद्ध रुपमा नेपालीहरु अघि बढ्नुपर्ने बताउँदै नेपाल सरकार, राजनीतिक पार्टी तथा जनता समक्ष हिंसालाई व्यवस्थापन गरेर समाजिक सद्भाव कायम गर्न अपिल गरेका छन् । उनले भारतले शान्त, स्थिर, सुरक्षित र प्रजातान्त्रिक नेपाल चाहेको भन्दै त्यसका लागि सहयोग गर्न तयार रहेको बताएका छन् ।
News from: Ratopati.comFirst Image from: kantipur