१ असोज। आज विश्वकर्मा पूजा । मुलुकभर विश्वकर्मा बाबाको धुमधामका साथ पूजा गरि मनाइदै छ । विश्वकर्मा पूजामा कलकारखानाहरुमा प्रयोग गरिने ज्यावल, मेसिन र दैनिक जीवनमा प्रयोग हुने फलामे सरसामानको पूजा गर्ने चलन छ ।गाडी मर्मत संभार गर्ने ग्यारेजलगायत हरेक सानाठूला फयाक्ट्रीमा आज सामानको दिगोपन र मुनाफाको कामना गर्दै पूजा गर्ने गरिन्छ । पूजा गरिसकेपछि दिनभर ती सामानको प्रयोग नगर्ने चलन पनि छ । यस अवसरमा केहीले विश्वकर्माको मूर्ति बनाई पूजा गर्ने र प्रसाद चढाउने पनि गर्दछन् । आज पूजा गरिएको मूर्तिलाई भोलि बिहान नजिकैको खोला वा नदीमा लगि बिसर्जन गरेपछि विश्विकर्मा पूजा समापन हुन्छ ।