लण्डन, असोज ३, यदि तपाइँ एक जोर ड्रेसका लागी ३५ लाख पाउण्ड खर्च गर्न सक्नुहुन्छ भने संसारकै सबैभन्दा महंग ड्रेसको मालिक बन्न सक्नुहुनेछ । ब्रिटिश डिजाइनर डेबी विन्घमले बनाएको संसारकै सबैभन्दा महंगो ड्रेस बनाएका छन् । यस ड्रेसमा दुइ क्यारेटका ५० वटा कालो हिरा लगाइएको छ । यो ड्रेसको तौल १३ किलोग्राम रहेको छ । टेलीग्राफ पत्रिकाको समाचार अनुसार यो ड्रेसनै संसारको अहिले सम्मको सबैभन्दा महंगो ड्रेस हो । यसको मूल्य ३५ लाख पाउण्ड राखिएको छ । यूक्रेनमा भएको एक फेसन शो मा हालै यस ड्रेसको प्रदर्शनी गरिएको थियो । विन्घमको यस ड्रेसलाइ लिएर दर्शकहरूले फरक फरक प्रतिक्रियाहरू दिएका छन् । विन्घमको संग्रहमा समाबेस हीरे जडित अन्य ड्रेसहरूपनि यस प्रदर्शनीमा रहेका थिए । -एजेन्सी
