Connect Me

twitterfacebookgoogle plus email

  Instagram View Biwas Bhattarai's profile on LinkedIn
Showing posts with label Federal Nepal. Show all posts
Showing posts with label Federal Nepal. Show all posts

कुन जिल्ला कुन प्रदेशमा ?

काठमाडौं, साउन २३ – प्रमुख चार दलका शीर्ष नेताले ६ प्रदेशको सीमांकनमा टुंगो लगाएका छन् । शनिबार बिहानैदेखि छलफलमा जुटेका शीर्ष नेता सहितको संवैधानिक राजनीतिक संवाद तथा सहमती समिति अन्तर्गतको विशेष समितिको बैठकमा तराईमा २ प्रदेश र पहाडमा ४ प्रदेश बनाउने गरी सहमति जुटाएका हुन् ।
यस्तै कैलाली र कन्चनपुरलाई नछुट्याउने तथा झापा, मोरङ र सुनसरीलाई पनि पहाडी जिल्लासँग जोडेर एकै प्रदेशमा राख्ने गरी सहमति जुटेको हो । प्रदेशको नामांकन भने भएको छैन । दलहरुबीच अनौपचारी रुपमा कुन जिल्ला कुन प्रदेशमा राख्ने भनेर पनि सहमति भएको छ ।

कुन जिल्ला कुन प्रदेशमा परे त ?

प्रदेश १ : मेची र कोशी अञ्चलका सबै जिल्ला

मेची अञ्चलका झापा, इलाम, पाँचथर र ताप्लेजुङ
कोशी अञ्चलका मोरङ, सुनसरी, धनकुटा, तेह्रथुम र भोजपुर
सगरमाथा अञ्चलका सोलुखुम्बु, उदयपुर, ओखलढ्ंगा र खोटाङ

प्रदेश २ : बागमती अञ्चलका सबै जिल्ला, नारायणी अञ्चलको मकवानपुर र चितवन तथा जनकपुर अञ्चलको सिन्धुली, दोलखा र रामेछाप

बाग्मती अञ्चल :  भक्तपुर, धादिङ, काठमाण्डू, काभ्रे, ललितपुर, नुवाकोट, रसुवा सिन्धुपाल्चोक

प्रदेश ३ : पर्सादेखि सप्तरीसम्मका तराईका ८ जिल्ला

पर्सा, बारा, रौतहट, महोत्तरी, धनुषा, सिरहा, सप्तरी, सर्लाही

प्रदेश ४ : राप्ती अञ्चलका सबै जिल्ला, लुम्बिनी अञ्चलका सबै जिल्ला र नवलपरासीको दाउन्नेदेखि पश्चिमको भाग

लुम्बिनी अञ्चल : कपिलवस्तु, रुपन्देही, अर्घाखाँची, गुल्मी र पाल्पा
राप्ती अञ्चल : दाङ, प्युठान, रोल्पा, रुकुम र सल्यान

प्रदेश ५ : गण्डकी  र धवलागिरी अञ्चलका सबै जिल्ला र नवलपरासीको दाउन्नेदेखिको पूर्वी भाग

गण्डकी अञ्चल : गोरखा, कास्की, लमजुङ, स्याङ्जा, तनहुँ र मनाङ
धवलागिरी अञ्चल : बाग्लुङ, म्याग्दी, पर्वत र मुस्ताङ

प्रदेश ६ : सेती, महाकाली र कर्णाली अञ्चलका सबै जिल्ला, भेरीको सुर्खेत जाजरकोट र दैलेख

कर्णाली अञ्चल : डोल्पा, हुम्ला, जुम्ला, कालीकोट र मुगु
सेती अञ्चल : कैलाली, अछाम, डोटी, बझाङ र बाजुरा
महाकाली अञ्चल : कन्चनपुर, डडेलधुरा, बैतडी र दार्चुला
Source : UjyaaloOnline

सिमाकंनमा आज पनि सहमति जुटेन

काठमाडौ, श्रावण २२ - प्रमुख चारदलका नेताहरुबीच शुक्रबार बसेको बैठकलेपनि प्रदेशको सीमासम्बन्धी विवाद सुल्झाउन सकेन । नेताहरुबीच एकसाता यता दिन दिनै बैठक बसेपनि सिमाकंनको विवाद यथावत छ । शीर्ष तहमा कुरा नमिलेपछि संवाद समितिको औपचारिक बैठक नै बस्न सकेको छैन । दिन दिनै बैठक सारिँदै आएको छ । भोलि १ बजे समिति बैठक बस्ने भनिएको छ । नेताहरुबीच कुरा नमिलेकाले शुक्रबार बोलाईको संविधानसभा बैठकपनि स्थगित गरी भोलि(शनिबार) ३ बजेलाई बोलाइएको छ । समिति सभापति बाबुराम भट्टराईले संघीयता जस्तो जटिल विषयमा छलफलका लागि थप समय आवश्यक भइरहेको बताए । उनले भने-'हामी प्रयास गरिरहेका छौं ।' संविधानसभाले प्रारम्भिक मस्यौदा परिमार्जन गरी सहमतिको प्रतिवेदन पेस गर्न समितिलाई दिएको  ५ दिनको समयसीमा गुजि्रसकेको छ । यसअघि पूर्वी जिल्लाहरु झापा, मोरङ र सुनसरी विवादका विषय रहेकोमा अहिले सिरहा र सप्तरीलाई कता राख्ने भनेर दलहरुबीच विवाद देखिएको छ ।  Source: Ekantipur.com

लिम्बुवान प्राप्तिका लागि खुन पसिना एक गर्छौं : लिङदेन


सुनसरी जेठ ३२ – अरुण पूर्वको नौ जिल्लालाई लिम्बुवान राज्य घोषणा गर्नका निमित्त पार्टीको तर्फबाट खुन पसिना एक गरीने संघिय लिम्बुवान पार्टी नेपालका अध्यक्ष कुमार लिङदेनले बताएका छन् । 

मंगलबार सुनसरीको इटहरी स्थित होटल मनसान्त क्विन प्यालेसमा भएको पुर्वेलीकर्मीसँगको भेटवार्तामा लिङदेनले यस्तो बताएका हुन् । अरुण पूर्वको नौ जिल्ला लिम्बुवानको ऐतिहासिक पृष्ठभुमि रहेको कारण कुनै मधेसी दल या अन्य राजनीतिक नेताहरुले भन्दैमा कसैलाई भागवण्डा गर्न नदिने र कसैले जबरजस्ती अन्य राज्य घोषणा गर्न खोजे आफुहरु तत्काल प्रतिकारमा उत्रने उनले बताए । इटहरीमा मंगलबार सुनसरीका कृयाशिल पार्टीका सदस्यहरुलाई सदस्यता बितरण गर्ने कार्यक्रममा भेट भएका लिङदेनले आगामी दिनहरुमा पार्टीले लिम्बुवान प्राप्तिका लागि प्रत्येकको घरदैलोमा बिशेष सचेतना कार्यक्रमको आयोजना गर्ने समेत उनले बताए । सदस्यता बितरण अन्तरगत सुनसरीबाट मंगलबार मात्रै २ हजार बढीलाई पार्टीको नया कृयाशिल सदस्यता पत्र बितरण गरिएको संघिय लिम्बुवान नेपाल जिल्ला कार्य समिति सुनसरीले जनाएको छ ।
News from Ratopati.com
Ą
https://www.flickr.com/photos/spklg/15211044551/